ಶಿವಮೊಗ್ಗ ದಸರಾ, ನಾಳೆ ಎಲ್ಲೇಲ್ಲಿ ಏನೇನು?

1. ಪರಿಸರ ದಸರಾ

ಬೆಳಗ್ಗೆ 8 ಗಂಟೆಗೆ ಹಳೆ ಜೈಲು ಮುಖ್ಯ ದ್ವಾರದ ಪಕ್ಕದ ಪಾರ್ಕ್‌ನಲ್ಲಿ ಆಯೋಜಿಸಲಾಗಿದ್ದು್ ಕಾರ್ಯಕ್ರಮವನ್ನು ಈಶ್ವರವನ ಚಾರಿಟಬಲ್‌ ಟ್ರಸ್ಟ್‌ನ ಅಧ್ಯಕ್ಷ ನವ್ಯಶ್ರೀ್ನಾಗೇಶ್‌, ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಹನುಮಂತಪ್ಪ ಕೆ.ಟಿ. ಉದ್ಘಾಟಿಸಲಿದ್ದಾರೆ.

2. ರೈತ ದಸರಾ ಜಾಥ ಕಾರ್ಯಕ್ರಮ:

ಬೆಳಗ್ಗೆ 9 ಗಂಟೆಗೆ ಸರ್ಕಾರಿ ಪದವಿ ಪೂರ್ವ ಕಾಲೇಜು, ಸೈನ್ಸ್‌ ಮೈದಾನ, ಬಿ.ಹೆಚ್‌.ರಸ್ತೆ, ಶಿವಮೊಗ್ಗ. ಪ್ರಗತಿಪರ ರೈತರಾದ ಆಶಾರಾಣಿ ಸಿ.ಎಸ್‌. ಉದ್ಘಾಟಿಸಲಿದ್ದಾರೆ. ಹಾಗೂ 11 ಗಂಟೆಗೆ ಕುವೆಂಪು ರಂಗಮಂದಿರದಲ್ಲಿ ವೇದಿಕೆ ಕಾರ್ಯಕ್ರಮ ಹಾಗೂ ಕೃಷಿ ಬಗ್ಗೆ ಉಪನ್ಯಾಸ.

3. ಯುವ ದಸರಾ ಟ್ರಿಷರ್‌ ಹಂಟ್‌ :

ಬೆಳಗ್ಗೆ 10 ಗಂಟೆಗೆ ಶಿವಮೊಗ್ಗ ನಗರ ಪಾಲಿಕೆಯ ಆವರಣದಲ್ಲಿ ಯುವ ದಸರಾ ಟ್ರಿಷರ್‌ ಹಂಟ್‌ ಕಾರ್ಯಕ್ರಮ ನಡೆಯಲಿದೆ.

4. ಸಸಿ ನೆಡುವ ಕಾರ್ಯಕ್ರಮ :

ಬೆಳಗ್ಗೆ 8 ರಿಂದ ಹಳೆ ಜೈಲು ಮುಖ್ಯದ್ವಾರದ ಪಕ್ಕದ ಪಾರ್ಕ್‌ನಲ್ಲಿ ಸಸಿ ನೆಡುವ ಕಾರ್ಯಕ್ರಮವನ್ನು ಆಯೋಜಿಲಾಗಿದೆ. ಅಂದು ಬೆಳಗ್ಗೆ 9 ಗಂಟೆಯಿಂದ ಶಾಲಾ ಮಕ್ಕಳಿಂದ ಈಶ್ವರ ವನ ಭೇಟಿ, ಶಾಲಾ ಮಕ್ಕಳಿಂದ ಸಸ್ಯ ಪ್ರಭೇದಗಳ ಗುರುತಿಸುವ ಸ್ಫರ್ಧೇ ಹಾಗೂ ಚಿತ್ರಕಲಾ ಸ್ಪರ್ಧೆ, ಪರಿಸರ ಜಾಗೃತಿ ಶೀರ್ಷಿಕೆಯಡಿಯಲ್ಲಿ ನೃತ್ಯ ರೂಪಕ ಪ್ರದರ್ಶನ. ಸಂಜೆ 5 ಗಂಟೆಗೆ ಮಕ್ಕಳ ದಸರಾದ ಸಮಾರೋಪ ಸಮಾರಂಭ ಶ್ರೀ ಅಲ್ಲಮ ಪ್ರಭು ಮೈದಾನದಲ್ಲಿ (ಫ್ರೀಡಂ ಪಾರ್ಕ್‌) ನಡೆಯಲಿದೆ.

5.ಮಕ್ಕಳ ಸಾಂಸ್ಕೃತಿಕ ಕಾರ್ಯಕ್ರಮ :

ನಗರದ ವಿವಿಧ ಶಾಲಾ ಮಕ್ಕಳಿಂದ ಸಂಜೆ 5 ಗಂಟೆಗೆ ಶ್ರೀ ಅಲ್ಲಮ ಪ್ರಭು ಮೈದಾನದಲ್ಲಿ (ಫ್ರೀಡಂ ಪಾರ್ಕ್‌) ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.

6. ಆಹಾರ ಮೇಳ :

ಸಂಜೆ 6 ಗಂಟೆಗೆ ಶ್ರೀ ಅಲ್ಲಮ ಪ್ರಭು ಮೈದಾನದಲ್ಲಿ (ಫ್ರೀಡಂ ಪಾರ್ಕ್‌) ಮಲೆನಾಡ ಸಾಂಪ್ರದಾಯಕ ವಿಶಿಷ್ಟ ಅಡುಗೆಗಳ ಪ್ರದರ್ಶನ ಹಾಗೂ ಮಾರಾಟವನ್ನು ಏರ್ಪಡಿಸಲಾಗಿದೆ.

7. ಕಲಾ ದಸರಾ, ಹಾಸ್ಯೋತ್ಸವ, ಸಾಂಸ್ಕೃತಿಕ ಕಾರ್ಯಕ್ರಮ:

ಸಂಜೆ 6 ಗಂಟೆಗೆ ಶಿವಪ್ಪನಾಯಕ ಅರಮನೆ ಆವರಣದಲ್ಲಿ ಕಲಾ ದಸರಾ, ಹಾಸ್ಯೋತ್ಸವ, ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ. ಮಿಮಿಕ್ರಿ ಗೋಪಿ, ಪ್ರಹ್ಲಾದ್‌ ಆಚಾರ್ಯ, ಉಮೇಶ್‌ ಗೌಡ, ಮುರುಳಿಮಾಧವ ಕಲಾ ತಂಡ ಭಾಗವಹಿಸಲಿದೆ.