ಬೆಂಗಳೂರು: ಬಂಗಾಳ ಕೊಲ್ಲಿಯಲ್ಲಿ ಉಂಟಾಗಿರುವ ಚಂಡಮಾರುತದ ಪ್ರಭಾವದಿಂದ ರಾಜ್ಯದಲ್ಲಿ ಮೋಡಗಳ ಪ್ರಮಾಣ ಕಡಿಮೆಯಾಗಿರುವುದು, ಒಣಹವೆ ಹಾಗೂ ತಣ್ಣನೆಯ ಗಾಳಿಯ ಸಂಚಾರದಿಂದ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ರಾತ್ರಿ ಮತ್ತು ಮುಂಜಾನೆ ಚಳಿಯ ಅನುಭವ ಹೆಚ್ಚಾಗಿದೆ. ಹಗಲಿನಲ್ಲಿ ಬಿಸಿಲು ಮುಂದುವರಿದಿದ್ದರೂ, ಸಂಜೆ ಬಳಿಕ ತಾಪಮಾನ ಇಳಿಕೆಯಾಗುತ್ತಿದೆ.
ಇದನ್ನೂ ಓದಿ > >ಪಾಲಿಕೆ ಕಚೇರಿಗೆ ಮುತ್ತಿಗೆ ಯತ್ನ, ಕೆ.ಎಸ್.ಈಶ್ವರಪ್ಪ ಸೇರಿ ಹಲವರು ಪೊಲೀಸ್ ವಶಕ್ಕೆ, ನವೆಂಬರ್ 15ಕ್ಕೆ ಡೆಡ್‌ಲೈನ್!
ರಾಜ್ಯದಲ್ಲಿ ಇನ್ನೂ ಅಧಿಕೃತವಾಗಿ ಚಳಿಗಾಲ ಆರಂಭವಾಗಿಲ್ಲ. ನವೆಂಬರ್ ಅಂತ್ಯದ ವೇಳೆಗೆ ಚಳಿಗಾಲ ಆರಂಭವಾಗುವ ಸಾಧ್ಯತೆಯಿದ್ದು, ಡಿಸೆಂಬರ್‌ ಮತ್ತು ಜನವರಿಯಲ್ಲಿ ಚಳಿ ಹೆಚ್ಚಾಗಬಹುದು ಎಂದು ಭಾರತೀಯ ಹವಾಮಾನ ಇಲಾಖೆ ವಿಜ್ಞಾನಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ > > ಶಿವಮೊಗ್ಗದಲ್ಲಿ ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದ ಬಿಜೆಪಿ
ಚಳಿಗೆ ಹಲವು ಕಾರಣಗಳು!
- ಬಂಗಾಳ ಕೊಲ್ಲಿಯಿಂದ ಅರಬ್ಬಿ ಸಮುದ್ರದ ಕಡೆಗೆ ತಣ್ಣನೆಯ ಗಾಳಿ ಬೀಸುತ್ತಿರುವುದು ರಾಜ್ಯದ ಹವಾಮಾನದ ಮೇಲೆ ಪರಿಣಾಮ ಬೀರುತ್ತಿದೆ.
- ಚಂಡಮಾರುತದ ಪ್ರಭಾವದಿಂದ ಮೋಡಗಳ ಪ್ರಮಾಣದಲ್ಲಿ ಬದಲಾವಣೆಯಾಗಿದೆ.
- ರಾಜ್ಯದಲ್ಲಿ ಶುಭ್ರ ಆಕಾಶ ಮತ್ತು ಒಣಹವೆ ಮುಂದುವರಿದಿದೆ.
- ಮೋಡ ಮತ್ತು ತೇವಾಂಶ ಹೆಚ್ಚಿರುವ ರಾತ್ರಿಗಳಲ್ಲಿ ಈ ರೀತಿಯ ಶಾಖ ನಷ್ಟ ಕಡಿಮೆಯಾಗುವುದರಿಂದ ಚಳಿಯ ಅನುಭವವೂ ತುಸು ಕಡಿಮೆಯಾಗುತ್ತದೆ.
- ಬೆಳಗ್ಗೆ ಮತ್ತು ಸಂಜೆ ಮಂಜು ಕಾಣಿಸಿಕೊಳ್ಳುತ್ತಿರುವುದು.
- ಗಾಳಿಯ ದಿಕ್ಕು ಹಾಗೂ ತೇವಾಂಶದಲ್ಲಿನ ಬದಲಾವಣೆಗಳೂ ಸ್ಥಳೀಯವಾಗಿ ತಾಪಮಾನದ ಮೇಲೆ ಪರಿಣಾಮ ಬೀರುತ್ತಿವೆ.
ರಾಜ್ಯದ ಹಲವು ಜಿಲ್ಲೆಗಳಲ್ಲಿ ತಾಪಮಾನ ಇಳಿಕೆ
ರಾಜ್ಯದ ಹಲವು ಜಿಲ್ಲೆಗಳಲ್ಲಿ ತಾಪಮಾನದಲ್ಲಿ ಇಳಿಕೆ ದಾಖಲಾಗಿದೆ. ಬೆಂಗಳೂರಿನಲ್ಲಿ ಗರಿಷ್ಠ ತಾಪಮಾನ 28 ಡಿಗ್ರಿ ಸೆಲ್ಸಿಯಸ್‌ ಇದ್ದರೆ, ಮಂಗಳೂರಿನಲ್ಲಿ 29 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ಕಲಬುರಗಿಯಲ್ಲಿ28 ಬೀದರ್‌ನಲ್ಲಿ 25, ಬೆಳಗಾವಿಯಲ್ಲಿ 26 ಬಾಗಲಕೋಟೆಯಲ್ಲಿ 29 ಧಾರವಾಡದಲ್ಲಿ 27, ಗದಗದಲ್ಲಿ 28 ರಾಯಚೂರಿನಲ್ಲಿ 29, ಹಾವೇರಿಯಲ್ಲಿ 27 ದಾವಣಗೆರೆಯಲ್ಲಿ 27 ಮೈಸೂರಿನಲ್ಲಿ 27 ಶಿವಮೊಗ್ಗದಲ್ಲಿ 26 ಹಾಗೂ ಚಿತ್ರದುರ್ಗದಲ್ಲಿ 26 ಡಿಗ್ರಿ ಸೆಲ್ಸಿಯಸ್‌ ತಾಪಮಾನ ದಾಖಲಾಗಿದೆ.
